LIGJ Nr. 71/2012 date 26.08.2012
PËR NJË NDRYSHIM NË LIGJIN NR. 8438, DATË 28.12.1998 “PËR TATIMIN MBI TË
ARDHURAT”, TË NDRYSHUAR
Në mbështetje të neneve 78 dhe 83 pika 1 dhe 155 të Kushtetutës, me propozimin e Këshillit të Ministrave,
KUVENDI I REPUBLIKËS SË SHQIPËRISË
VENDOSI:
Neni 1
Në ligjin nr. 8438, datë 28.12.1998 “Për tatimin mbi të ardhurat”, të ndryshuar, fjalia e parë e nenit 30 ndryshohet si më poshtë:
“1. Gjatë periudhës vijuese tatimore, tatimpaguesi parapaguan, në llogarinë e organeve tatimore, këstet tremujore të tatimin mbi fitimin, brenda datës 30 mars për muajt janar, shkurt dhe mars, brenda datës 30 qershor për muajt prill, maj dhe qershor, brenda datës 30 shtator për muajt korrik, gusht dhe shtator dhe brenda datës 30 dhjetor për muajt tetor, nëntor dhe dhjetor. Këstet mund të paguhen edhe në baza mujore, jo më vonë se data 15 e çdo muaji, në shumat si më poshtë:”.
Neni 2
Ky ligj hyn në fuqi më 1 janar 2013.
Miratuar në datën 28.6.2012
Shpallur me dekretin nr.7720, datë 20.7.2012 të Presidentit të Republikës së Shqipërisë, Bamir Topi
Botuar ne F.Zyrtare 89 / 2012
Dale nga shtypi me 31.07.2012